شعر نبطي الشيخ / محمد بن راشد ال مكتوم

اغسلي بالبرد .. قلبي صبٍ تشهّد
بعد عقل يدله ضاع منه الدليل
ساهر ما رقد لين جفنه تجمد
يسهر الليل كله في نحيب طويل
جمر شوقي توقد في ضميري وعود
بالعنا والكلافة والبكا والعويل
لو لحسنك سجد ، في هواك وتعبد
واصبح الشوق مله ، كان لاجلك قليل
كلما الليل رد ذكرها له تجدد
علة فوق علة من يداوي العليل
بين صد ورد ناعس طرف سدد
نظرة منه عجلة من تصيبه قتيل
بعد طيب الوعد من أوده تمرد
ما رحم قلب خله اختار عنه الرحيل
سامني بالزهد في غرامي تزهد
منيتي ليت فعله مثل وجهه جميل
إن تقربت صد أو تبعدت هدد
حيرتني ياه بدله وين بأمري أميل؟؟
مستحيل مستحيل البعاد له دموعي بتشهد
وأنت يا عمري كله قربك المستحيل